सुदुरपश्चिम प्रदेश
०६ पुस २०८१
आज सुदुर पश्चिम रोयल्स र जनकपुर बोल्टस बिच NPL पहिलो संसकरणको फाइनल खेल हुदैछ । सुदुरका दिपेन्द्र रणनितीमा अब्बल मानिने क्यापटेन समेत हुन , उनको कप्तानी पछिल्ला वर्षहरुमा नेपालले देखिसकेको छ । उनको कप्तानीमा उमेर समुहमा भारतलाइ समेत घुडा टेकाएको ईतिहास राखेका थिए भने घरेलु प्रतियोगितामा समेत लगातार रुपमा ट्रफीहरु जित्दै आएका छन । दिपेन्द्रले आफ्नो प्रतिष्ठा जोगाउनको लागी यो फाइनल जित्नै पर्ने दवाब भने रहनेछ । यो प्रतियोगिता शुरु हुँदै गर्दा दिपेन्द्र बाहेक अन्य खेलाडीहरु हेरेर तुलना गर्दा सुदुरपश्चिम टीम कमजोर टीमका रुपमा देखिएको थियो ।
राम्रो खेलाडीहरुले भरिएको जनकपुर समेत उपाधीको दावेदार टीम हो उसले यो प्रतियोगितामा सुदुर सङ्ग २ म्याच हारे पनि खेलाडीका पछिल्ला रेकर्डहरु हेर्दा सुदुरपश्चिम भन्दा अब्बल दाबेदारी जनकपुर सङ्ग छ । न्युजिल्यान्डबाट पटक पटक विश्वकप खेल्दै सेमिफाइनल तथा फाइनल सम्म खेलिसकेका जिमी निसमको उपस्थितीले जनकपुर झन बलियो समेत बनेको पाइन्छ भने एक्लै दिपेन्द्रको खेलमा भर परेको सुदुरपश्चिम सङ्ग रहेका अन्य खेलाडीहरुको खेलमा सुदुरको फाइनल नतिजा भर पर्ने देखिन्छ ।
पछिल्लो समयमा विश्व क्रीकेटका इतिहासमा आफ्नो नाममा राख्ने दौडमा रहेका नेपाली क्रीकेट खेलाडीहरुले विश्वमै नेपाली क्रीकेटको परिभाषा नै फरक बनाएका छन । सन २०१४ मा पहिलो पटक T20 विश्वकप क्रीकेटमा खेल्दै नेपालले विश्व क्रीकेट सामु आउदा दिनहरुमा आफ्नो समेत चुनौती हुने संकेत देखाइ सकेको थियो । नेपाली क्रीकेट खेलाडीहरु विश्वको धेरै जसो लिगहरुमा खेल्दै आफ्नो छाप छोडन समेत सफल भएका छन भने विश्व क्रीकेट परिषदको अलराउण्डर तर्फ दोस्रो नम्बर नेपालका खेलाडीहरुले स्थान बनाउनु समेत कीर्तिमानी रुपमा लिन सकिन्छ ।
बाधा अवरोध र समस्याका बिच उदाएको नेपाली क्रीकेटले अध्यक्षका रुपमा चतुर बहादुर चन्द र सचिवका रुपमा पारस खडकालाइ पाए देखि भने खेलाडीको भविष्य र खेलको विकाश थप प्रभावकारी भएको पाइन्छ । देश व्यापी रुपमा खेल्न मौका नपाएका खेलाडीहरुलाइ समेत समेटेर क्रीकेट र खेलाडीहरुमा हौशला थप्नको लागी NPL जस्ता लिगको ठूलो भुमिका रहने समेत देखिन्छ ।
