नेतृत्व क्षमता सुदृढिकरण सम्बन्धी कार्यशाला सम्पन्न

जेठ ३० ,धनगढी
धनगढी उप महानगरपालिकामा रहेको होटल आस्थाको सभाहलमा आज जनचेतना तथा युवा जागरण मंच नेपाल (FAYA Nepal) को आयोजना तथा संसद सहयोग कार्यक्रम (UNDP) को सहयोग तथा सहकार्यमा सुदूरपश्चिम प्रदेश सभाका माननीय सदस्यहरूको नेतृत्व क्षमता सुदृढिकरण सम्बन्धी दुई दिने कार्यशाला कार्यक्रम सम्पन्न भएको छ । सुदूरपश्चिम प्रदेशका उपसभामुख कोईली देवी चौधरी सहित सुदूरपश्चिम प्रदेश सभा सदस्यहरू, FAYA Nepal का प्रतिनिधिहरु, पत्रकार लगायतको सहभागितामा अनौपचारिक रूपमा कार्यक्रम सम्पन्न भएको छ । माननीयहरूको नेतृत्व क्षमता बृद्धि गर्दै मिडियामा कसरी प्रस्तुत हुने सम्बन्धी जानकारी दिने उद्देश्यले कार्यक्रम आयोजना गरेको थियो ।